Plagoset me thikë 18-vjeçari në Pogradec, arrestohet autori

Një 18-vjeçar është plagosur me thikë ditën e sotme në Pogradec.

Policia bën me dije se autor i ngjarjes është një 19-vjeçar, i cili tashmë është arrestuar nga policia.

I riu i lënduar mësohet se aktualisht është në spital për ndihmë mjekësore.

“Më datë 12.04.2023, në fshatin Çërravë, Pogradec, shtetasi M. B., 19 vjeç, banues në fshatin Çërravë, gjatë një konflikti, dyshohet se ka dëmtuar me mjet prerës (thikë), një 18-vjeçar, i cili u transportua në spital për ndihmë mjekësore”- njofton policia.

Grupi hetimor po punon për sqarimin e plotë të rrethanave të ngjarjes.

Materialet do t’i referohen Prokurorisë pranë Gjykatës së Shkallës së Parë Pogradec, për veprime të mëtejshme.

LEXONI GJITHASHTU: 

• Mbi 345 mln lekë, KQZ shpërndan fondet vjetore për partitë politike në vend
• Talibanët: Ndalimi i grave për të punuar për OKB, është çështje e brendshme