Plagosi me thikë 48 vjeçaren në Tiranë, arrestohet autori i dyshuar

Një 69-vjeçar është arrestuar ditën e sotme nga policia e Tiranës pasi ka goditur me thikë 48-vjeçaren.

“Shërbimet e Komisariatit të Policisë Nr. 4, pas marrjes së njoftimit se në rrugën “Kamber Shevroja”, shtetasi M. B., 69 vjeç, gjatë një konflikti për motive të dobëta, dyshohet se ka goditur me mjet prerës shtetasen V. A., 48 vjeçe, kanë organizuar menjëherë punën për kapjen e autorit të dyshuar”- njofton policia.

Në cilësinë e provës materiale u sekuestrua mjeti prerës thikë që autori e përdori gjatë ngjarjes.

Shtetasja V. A., aktualisht ndodhet në spital, nën kujdesin e mjekëve.

Grupi Hetimor po punon për sqarimin e rrethanave të ngjarjes.

LEXONI GJITHASHTU:

• Aksident në Sarandë, makina përplas 4-vjeçarin, i mituri dërgohet në spital
• Kosova blen nga Turqia dronë Bayraktar TB-2, Kurti: Tani jemi më të sigurt