Plagosi me thikë babë e bir, arrestohet 26-vjeçari në Shkodër

Policia e Shkodrës ka arrestuar një 26 vjeçar pasi ka plagosur me thikë 2 persona, babë e bir. Në pranga u vu shtetasi A. M., 26 vjeç, banues në Shkodër.

Sipas policisë, nga veprimet hetimore dyshohet se mbrëmjen e djeshme, rreth orës 20:40, në lagjen “Mark Lula”, pas një konflikti për motive të dobëta, ka plagosur me mjet prerës (thikë), shtetasit Sh. L., 52 vjeç dhe E. L., 19 vjeç (babë e bir), banues në Shkodër, të cilët janë jashtë rrezikut për jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.

LEXONI GJITHASHTU:

• Prodhonte dhe shiste lëndë narkotike, arrestohet 35-vjeçari në Shkodër
• I vuri flakën 3 automjeteve në Shkodër, arrestohet pas 2 vitesh autori