Plagosi me thikë një 36 vjeçar pas një konflikti, në kërkim autori në Pogradec

Një ngjarje e rëndë ka ndodhur mbrëmjen e kësaj të shtune në Pogradec në Lagjen Nr. 3, rreth orës 20:20, ku gjatë një konflikti fizik, shtetasi me iniciale L. O. dyshohet se ka përdorur një mjet prerës për të dëmtuar shtetasin me iniciale M. T., 36 vjeç.

Si pasojë e plagëve të marra, 36 vjeçari u dërgua menjëherë në spital për ndihmë mjekësore, ku fatmirësisht gjendja e tij është jashtë rrezikut për jetën.

Shërbimet e Policisë kanë nisur menjëherë kontrollin për kapjen e autorit me iniciale L. O., i cili është shpallur në kërkim.  Burime nga vendi i ngjarjes kanë bërë me dije se Lavdërim Oshafi ka qenë në gjendje të dehur kur ka goditur 36 vjeçarin me thikë afër biznesit të këtij të fundit. Oshafi njihet si një person problematik në qytet.

Grupi hetimor nën drejtimin e Prokurorisë po punon për sqarimin e rrethanave dhe dokumentimin ligjor të rastit.