Plagosi me thikë të birin, Prokuroria e Fierit mbyll hetimet për 69-vjeçarin

Prokuroria e Fierit ka mbyllur hetimet dhe ka dërguar për gjykim shtetasin Bashkim Plaka për veprat penale ‘Plagosje e rëndë’ dhe ‘Dhunë në familje’.

Në bashkëpunim me policinë gjyqësore, kjo prokurori bëri të mundur dokumentimin ligjor lidhur me ngjarjen e datës 28.05.2024, ku shtetasi Bashkim Plaka goditi me thikë në pjesën e barkut shtetasin Nari Plaka, me banim në fshatin Gjazë, Lushnjë.

Për shkak të dëmtimeve të marra shtetasi Nari Plaka ju nënshtrua ndërhyrjes kirurgjikale në spitalin e Lushnjës. Pas hetimeve të kryera, ka rezultuar se shtetasi Bashkim Plaka ka kryer edhe veprën penale të dhunës në familje në dëm të bashkëshortes.

Ngjarja e rëndë ndodhi në maj të këtij viti ku pas konfliktit me të birin 43-vjeçari, Bashkim Plaka, 69-vjeç e sulmoi atë me thikë duke e lënë të plagosur rëndë.

LEXONI GJITHASHTU:

• Arrestohet pas 3 orë ndjekjeje autori i plagosjes së dyfishtë në Malësi të Madhe
• Punonjësi i policisë plagosi 45-vjeçarin në Tiranë, Vocaj: Nuk ka dashur ta vrasë