Plagosja me armë në Pogradec, kush janë autori dhe viktima, Policia rrethon zonën

Një plagosje me armë zjarri ka ndodhur pak minuta më parë në Pogradec.

Policia ka ngritur postblloqe të shumta në në hyrje të Maliqit, për të kapur autorin e krimit, i cili dyshohet se është Deist Meko.

Ndërkohë mësohet se shtetasi i plagosur është Alted Olldashi, i cili ndodhet në spitalin e Pogradecit nën trajtimin mjekësor.

I plagosuri me armë, ka plagë në bark, dorë, e këmbë. Nuk dihet ende gjendja e tij shëndetësore.

Njoftimi i Policisë:

Pogradec-Më datë 01.03.2024, rreth orës 16:30, në vendin e quajtur “Kryqëzimi i Tushemishtit”, gjatë një konflikti të çastit, dyshohet se ka mbetur i plagosur me armë zjarri shtetasi A. J., 35 vjeç, i cili u dërgua në spitalin e Pogradecit për ndihmë mjekësore, ku ndodhet jashtë rrezikut për jetën.

Shërbimet e Policisë menjëherë kanë shkuar në vendngjarje dhe kanë bërë të mundur identifikimin e autorit të dyshuar të ngjarjes shtetasit D. M. Janë ngritur pika kontrolli në hyrje-daljet e qytetit, me qëllim kapjen dhe vënien para përgjegjësisë të autorit të dyshuar.

Grupi hetimor në drejtimin e Prokurorisë po punon për zbardhjen e plotë të rrethanave të kësaj ngjarjeje.

LEXONI GJITHASHTU:

• Të shtëna me armë zjarri në Pogradec, plagoset një person (Emri)
• Vetëvritet me kallashnikov 65-vjeçari në Pogradec