‘Plan grabitjeje’, Endrit Shabani: Skandali në Portin e ri të Durrësit

Kryetari i Nismës Thurje, Endrit Shabani e konsideron një plan grabitjeje dhe jo biznesi, atë për Portin e ri Turistik të Durrësit.

Në emisionin “Now” në Euronews Albania, Shabani u shpreh se toka publike po i falet një kompanie pa garë.

Sipas tij, ky projekt do të sjellë një përplasje me Bashkimin Evropian, për shkak se shkel marrëveshjen e Stabilizim-Asocimit.

“Është e njëjta skemë që është bërë me Teatrin Kombëtar. Nuk po thotë njeri që a duhet ndërtuar një port i dytë, problemi është pse duhet t’i falim ne tokë publike, një firme, apo një personi pa konkurs, pa qenë e qartë se çfarë fiton shteti shqiptar dhe me një nxitim të jashtëzakonshëm.

Është plan grabitjeje, vjedhjeje. Hajduti merr diçka që nuk i takon dhe këta sillen si hajdutë, pra e marrin tokën publike, pronarë jemi ne, ndërtojmë pallate aty. Pse duhet ta lëvizim portin që t’ia japim këtyre që të ndërtojnë pallate?”, theksoi ai.

LEXONI GJITHASHTU

• Drejtori i Portit të Durrësit prezanton detajet e projektit: Si do investohet
• ‘Porti i Durrësit në Kushtetuese’, avokati: Padi edhe për kontratën
• ‘Po filloi Porti Turistik s’e marrim më kurrë Durrësin’, Rama i përgjigjet opozitës