Plan kundër Rusisë/ NATO, projekt me 4.400 faqe për t’u mbrojtur nga kërcënimi

14 Korrik 2023 | 15:53

Përforcim i kompetencave të komandantit suprem të NATO-s në Evropë, rol kyç i Gjermanisë si “bazë logjistike”, përforcim i mëtejshëm i krahut lindor dhe pajisja e njësive ushtarake me armatime të rënda.

Janë këto disa nga pikat e një plani masiv ushtarak me 4 mijë e 400 faqe, që tregon se si Aleanca e Atlantikut të Veriut po armatoset përballë një sulmi të mundshëm të Rusisë.

Lajmin e bën të ditur gjermania “Bild”, e cila në një artikull të posaçëm ilustron detajet e planit të mbrojtjes që vendet anëtare duhet të përmbushin në rast të një sulmi të urdhëruar nga presidenti Vladimir Putin.

Nga samiti në Vilnius, vetëm pak ditë më parë, sekretari i përgjithshëm i NATO-s, Jens Stoltenberg njoftoi aprovimin nga ana e aleatëve të “planeve më të kompletuara të mbrojtjes që nga fundi i Luftës së Ftohtë”, me objektiv kontrastin ndaj kërcënimeve kryesore që janë Rusia dhe terrorizmi.

Këto plane, që sipas së përditshmes gjermane janë sekrete, numërojnë mbi 4 mijë e 400 faqe në të cilat shpjegohet se cilat kapacitete duhet të forcojnë 32 vendet anëtare, përfshirë Suedinë, sa u takon trupave tokësore, ajrore dhe detare, si dhe ato të mbrojtjes kibernetike dhe hapësinore.

Komandantit suprem të NATO-s në Evropë, rol që aktualisht mbahet nga gjenerali amerikan Kristofer Kavoli, do t’i jepen kompetenca shtesë për rastet e kërcënimit.

Kjo do të thotë se ai do të mund të marrë vendime pa iu drejtuar më parë organeve të NATO-s, sqaron më tej gazeta gjermane.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Finlanda hapi rrugën për mbajtjen e armëve bërthamore, Moska: Kërcënim real, do të marrim masa

Rusia njoftoi të hënën se do të ndërmarrë masa politike dhe ushtarako-teknike në përgjigje të një ligji të ri nga Finlanda, anëtare e NATO-s, që...
14:49 | 29/06/2026

Të shtëna me armë në veri të Gjermanisë, vriten pesë persona! Arrestohet autori i dyshuar

Pesë persona kanë vdekur në qytetin verior të Gjermanisë në Standes, në një incident të ri me të shtëna me armë. Sipas policisë, një person...
14:26 | 29/06/2026

Turqia dhe Arabia Saudite nënshkruajnë një memorandum mbi bashkëpunimin tregtar dhe ekonomik

Unioni Turk i Dhomave dhe Bursave të Mallrave (TOBB) dhe Federata e Dhomave të Tregtisë Saudite (FSC) kanë nënshkruar një memorandum mirëkuptimi për zgjerimin e...
14:09 | 29/06/2026