“Platformë e përbashkët qeverisjeje pa Kurtin” – Haradinaj i përgjigjet Krasniqit

Kryetari i Aleancës për Ardhmërinë e Kosovës (AAK), Ramush Haradinaj i është përgjigjur një letre që i ka dërguar kryetari i PDK-së Memli Krasniqi për mundësinë e dërgimit të vendit në zgjedhje.

Ish-kryeministri Haradinaj ka theksuar për të pasur ‘rrugëdalje’ duhet një platformë e përbashkët për qeverisje, por sipas tij, pa kryeministrin Albin Kurti.

“Në përgjigje të letrës së kryetarit të PDK-së, Memli Krasniqi, shpreha qartë se rrugëdalja e vetme nga kriza në vend, është një platformë e përbashkët për qeverisje, pa Kurtin. Kjo sepse Kurti dhe qeveria e tij, janë fajtore për gjendjen e krijuar, e në këtë kontekst, Aleanca nuk lëviz nga qëndrimi që kjo Qeveri duhet ta përmbyllë mandatin e saj me dorëheqje, ose me shkarkim, e jo të amnistohet me vet-shpërndarje të Kuvendit”, shkruan Haradinaj përmes një postimi në Facebook.