Plazhi i Zvërnecit i preferuar nga fëmijët për detin e cekët dhe të pastër

Plazhi i Zvërnecit mbetet një nga plazhet më të frekuentuara të bregdetit të Vlorës.

Kjo, për shkak të rërës, të pastërtisë së plazhit por edhe të cektësisë së ujit që lejon të pushosh edhe me fëmijë të vegjël.

Gjithashtu, qetësia bën që pushues jo vetëm vlonjatë, por edhe të ardhur nga vende apo qytete të tjera të Shqipërisë të zgjedhin pikërisht Zvërnecin për të pushuar.

Më besnikët janë pushuesit familjarë. Këtu gjen pushues nga Vlora dhe nga rrethet. Familje që prej 8 vitesh frekuentojnë plazhin e Zvërnecit. Kjo vijë bregdetare tashmë frekuentohet edhe nga pushues të huaj.

“Është më i qetë, më i pastër, ndaj vijmë këtej. Në krahasim Jalën, Borshin është më mirë”, thotë një pushues.

“Kam 8 vite rresht që vij, më pëlqen rëra uji, shezlloni është 5 mijë lekë, shprehet një zonjë.

Një çadër kushton rreth 500 lekë të reja, ndërkohë që nuk ka pakënaqësi për çmimet e konsumit ditor. Të gjitha këto i kanë rikthyer pushuesit çdo verë në plazhin e Zvërnecit.

LEXONI GJITHASHTU:

• VIDEO/ Lirohet plazhi i Gjipesë, hiqen 130 çadra dhe shezlongë pa leje
• Resortet bosh në Rumani, qytetarët braktisin plazhin nga çmimet e larta