Po dilnin nga Shqipëria me pasaporta greke false, arrestohen 2 persona në Rinas

Bëhet me dije se janë arrestuar në flagrancë 2 shtetas turq që tentuan të dilnin nga Shqipëria, me pasaporta greke të falsifikuara.

Grupi hetimor dhe policia kanë se sekuestruar pasaportat false dhe biletat e udhëtimit të këtyre dy shtetasve.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

“Shërbimet e Policisë Kufitare Rinas, si rezultat i kontrolleve të shtuara dhe i përdorimit të mjeteve bashkëkohore për ekzaminimin e dokumenteve, bazuar në analizën e riskut, kanë goditur 2 raste të tentativës për të kaluar kufirin, me dokumente të falsifikuara. Për këto dy raste, specialistët për Hetimin e Krimeve të DVKM Tiranë arrestuan në flagrancë shtetasit turq:

M. S., 38 vjeç dhe D. A., 26 vjeç, të dy banues në Turqi.

Këta shtetas kanë paraqitur në sportel, në dalje, pasaporta greke me të dhënat e tyre, të cilat pas ekzaminimit në laborator, rezultuan të falsifikuara. Pasaportat false dhe biletat e udhëtimit të këtyre shtetasve, u sekuestruan në cilësinë e provës material”, thuhet në njoftimin e policisë.

LEXONI GJITHASHTU:

• Vjedhja 4.7 mln euro me call-centera, kush është 28-vjeçari që u ekstradua nga Dubai
• U ekstradua nga Kosova, GJKKO konfirmon arrestin në burg për “Baronin e drogës”