“Po pengon implementimin e marrëveshjes që firmosi vetë”, Lushaku kritikon Kurtin

Jehona Lushaku ishte këtë të diel e ftuar në një lidhje direkte për emisionin “Review” në Euronews Albania për të folur rreth tensioneve të krijuara në veri të Kosovës. Ajo tha se kryeministri Kurti po pengon tani implementimin e marrëveshjes së Ohrit të cilën e ka firmosur vetë.

Ajo tha se edhe pse partia që ajo përfaqëson LDK ka qenë që në fillim kundër kësaj marrëveshje, kur merren obligime ndërkombëtare duhen zbatuar, ndërsa sipas saj Kurti nuk është duke e bërë këtë gjë.

“Ne duhet të dëshmojmë se jemi shtet që kur marrin obligime ndërkombëtare, ne u rrimë mbrapa dhe shkojmë me dinamikat në dialog dhe në koordinim me SHBA-në dhe BE-në dhe nëse merren obligime ndërkombëtare u duhet t’u shkojmë pas dhe të gjejmë zgjidhjet më të mira nga ky proces.

Ne kemi kërkuar që të gjenden zgjidhje më të mira, por marrëveshja e Ohrit ka treguar se kryeministri jonë ka qenë i paaftë për të adresuar kërkesat dhe për të arritur më të mirën nga ky proces”,-tha Jehona Lushaku nga PDK.

LEXONI GJITHASHTU:

• Analisti Bytyçi: Si ndryshuan 180 gradë deklaratat e ndërkombëtarëve për Kosovën
• “Kryetarin e komunës e ngujuan në zyrë”, Krasniqi ngre pyetjen: A ja vlen përplasja