“Po përdoret”, Çipa komenton fjalimin e vajzës së Berishës në Kuvendin Kombëtar

Analisti Aleksandër Çipa komentoi në një intervistë për Euronews Albania pjesëmarrjen dhe fjalimin e Argita Malltezit, vajzës së Sali Berishës në Kuvendin Kombëtar të Rithemelimit.

Sipas tij, kjo lëvizje e kompromenton lëvizjen dhe misionin e Partisë Demokratike që kryeson Berisha.

“Kemi të bëjmë me një rast kur situata dhe problematika që ka familja Berisha me drejtësinë kërkohet dhe insistohet të vendoset në kontekstik e politizimit. Unë mendoj që kjo është çështje e një regjie që lidhet me situatën, pozicionit juridik që ata kanë aktualisht dhe përdorimi i aktivizmit politik të familjes duke e mbajtur atë në kontekstin e ndëshkimit politik apo luftës politike. Ky është qëllimi, nuk mendoj se kemi të bëjmë me një evidentim të një protagonizmi të ri për t’u futur ajo në jetën politike,” – u shpreh Çipa.

LEXONI GJITHASHTU:

• Berisha: Do vazhdojmë betejën deri sa të krijohen komisionet hetimore
• Berisha refuzon gjykatën, nuk paraqitet në BKH. Publikon videon nga parlamenti