“Po përdorim TikTok-un me VPN”/ Rama i përgjigjet komentuesve: Turp i madh

Duke folur në rubrikën “Sy m’sy” në rrjetin e tij social Facebook, kryeministri Rama iu përgjigj komentuesve që i thonin se TikTok vazhdon të përdoret, pasi përdorimi i VPN-së mund të zhbllokojë aplikacionin.

Një komentues tha: “Po përdorim VPN për TikTok-un.” Ndërsa Rama u shpreh se përdorimi i TikTok me VPN është një “turp i madh”.

Ai theksoi se përdorimi i këtij aplikacioni është shumë i rrezikshëm, pasi mund të mundësojë marrjen e të dhënave personale në kohë reale.

Sipas tij, kjo është njësoj si të ndash me të tjerët fjalëkalimet dhe informacionin personal.

“Përdorimi i TikTok me VPN është një turp i madh. Duhet shumë kujdes, pasi është i hapur për marrjen e të dhënave në kohë reale. Është njësoj si ta përdorësh duke ndarë me të tjerët fjalëkalimin apo të dhënat e tua. Por, çështja këtu nuk është çështja e Hitlerit, por është çështja e TikTok-ut dhe mënyra si shërbehet në Shqipëri, që është shumë i rrezikshëm.”, tha Rama.

LEXONI GJITHASHTU:

• “Hangart”, nis edicioni i 4-të, Rama: Do rrisim burimet për kulturën
• “Procedura për mbylljen e TikTok ka përfunduar”, Rama: Nëse përdorni VPN…