“Procedura për mbylljen e TikTok ka përfunduar”, Rama: Nëse përdorni VPN…

Kryeministri Edi Rama tha këtë të enjte në  rubrikën “Sy m’sy” se tashmë kanë përfunduar procedurat për mbylljen e Tik Tok.

Ai tha gjithashtu se ata që do të përdorin VPN-të falas për të aksesuar rrjetin social do të jenë nën rrezikun e hakerave, ndaj kryeministri u sugjeroi qytetarëve të qëndrojnë pa Tik  Tok deri sa platforma të vijë në Shqipëri me një plan për adoleshentët.

“Procedura për mbylljen e Tik Tok ka përfunduar për telefonat smart dhe nga ana tjetër, dua që të gjithë ta dinë që mënyra për t’ju shmangur bllokimit duke përdorur VPN falas është shumë e rrezikshme pasi dihet botërisht se hackerat bëjnë namin në grabitjen e të dhënave të telefonit. Kijeni parasysh këtë gjë dhe duroni pa TikTok për ca kohë deri kur të përfundojmë programin e përbashkët me kompaninë, e cila do të vijë së shpejti në Shqipëri dhe do të paraqesë planin për adoleshentët.”, tha Rama.

LEXONI GJITHASHTU:

• Mbyllja e Tik Tok, reagon Rama: Vendimi u mor pas konsultimit me 65 mijë prindër
• Trump e mban premtimin, firmos urdhrin që shtyn mbylljen e Tik Tok