Michael Benjamin, një artist nga Haiti i njohur me emrin e tij skenik “Mikaben”, vdiq të shtunën në skenë teksa performonte në Paris me grupin konpa Haitian CaRiMi.
Benjamin, dyshohet se pësoi një atak në zemër gjatë shfaqjes, duke shokuar fansat që e panë të rrëzohej teksa po dilte nga skena.
“Ai ndërroi jetë pas një krize në skenë dhe pavarësisht përpjekjeve të shërbimeve të urgjencës, nuk ia doli,” njoftuan organizuesit e koncertit në Twitter.
Videot në rrjetet sociale e tregojnë atë duke performuar, e ndërsa drejtohej nga fundi i skenës, papritur 41-vjeçari rrëzohet në tokë. Muzika u ndal dhe në skenë u thirrën mjekët por artisti nuk ia ka dalë të mbijetojë.
Mikaben, djali i këngëtarit të famshëm Lionel Benjamin, lindi në kryeqytetin Haitian, Port-au-Prince, në vitin 1981 dhe ishte i njohur në skenën muzikore lokale si këngëtar, shkrimtar dhe producent. Ai u shfaq në disa hite të Carimi, duke përfshirë Baby I Missed You dhe Fanm sa Move.
Gruaja e tij Vanessa, e cila është shtatzënë, postoi një mesazh duke falënderuar njerëzit për lutjet, por duke kërkuar privatësi.
LEXONI GJITHASHTU:
- SHBA nuk do tolerojë sulmet bërthamore ruse, thotë këshilltari i sigurisë kombëtare
- Shqipëria mes dy kohëve, ekspozita e Jost dokumenton ndryshimet që pësoi vendi
