Po protestonte te Kryeministria, pensionisti ndihet keq: E marrin me ambulancë

Incidentet nuk kanë munguar jashtë ambienteve të Kryeministrisë në Tiranë, ku pensionistët po organizojnë një protestë për rritjen e pensioneve.

Duket se gjatë tubimit një prej pensionistëve ka shfaqur probleme shëndetësore. Nga pamjet e siguruara nga Euronews Albania shihet edhe momenti ku i moshuari është shoqëruar në ambulancë për tu trasportuar në spital për ndihmë mjekësore.

Ende nuk dihet shkaku i përkeqësimit të gjendjes shëndetësore.

Kjo është protesta e dytë që pensionistët po organizojnë. Ata kanë përsëritur kërkesën e tyre për rritje të pensioneve në kufirin e pagës minimale. Një pjesë e tyre kanë shprehur pakënaqësi në lidhje me rritjen prej 4.6% në pensione, duke marrë si shembull rritjen e vendeve fqinje me 20%. Pensionistët kërkojnë që qeveria të marrë masa të menjëhershme për të adresuar këtë diferencë.

LEXONI GJITHASHTU:

• Pensionisti: Nuk më lejuan të hyja në takim me Ramën, ishin zgjedhur më parë
• Rama me pensionistët, paralajmëron kompanitë: Do ju qepemi nga pas, si me dritat