‘Po punojmë për fitoren’, Zelensky rikthehet në Kiev pas vizitës në Uashington

Presidenti i Ukrainës Volodymyr Zelensky është rikthyer në Kiev pas vizitës që zhvilloi në Uashington.

Përmes një postimi në rrjetet sociale, Zelensky është shprehur se iu rikthye punës dhe e konsideroi historike vizitën në SHBA, shkruan Reuters.

“Unë jam në zyrën time. Ne po punojmë drejt fitores”, theksoi Zelensky në videon e postuar në kanalin e tij në Telegram.

Zelensky ka mbajtur një fjalim historik në Kongresin amerikan, në kuadër të vizitës që synonte të përgënjeshtronte përpjekjet e Rusisë për të treguar se marrëdhëniet Kiev-Uashington po ftoheshin.

Zelensky e përdori mundësinë e tij për të sqaruar atë që e quajti “situata reale në Ukrainë”.

LEXONI GJITHASHTU

• Rusia: Udhëtimi i Zelensky tregon se as Ukraina dhe as SHBA nuk duan paqe
• ‘Ukraina po reziston’, Zelensky në SHBA, konfirmohen marrëdhëniet Kiev-Uashington
• Zelensky: Ndihma e SHBA-së për Ukrainën është vendimtare