“Po torturojnë të rinjtë”- Nuk ndalen protestat për zgjedhjet në Serbi

Për të nëntën natë rresht, partitë e opozitës dhe aktivistët u mblodhën përpara selisë së Komisionit Elektoral të Republikës në Beograd.

Protestat po mbahen për shkak të parregullsive në zgjedhjet e 17 dhjetorit, me koalicionin ‘Serbia kundër dhunës’ që kërkon që zgjedhjet të anulohen. Nga institucioni elektoral, turma u drejtua për tek Pallati i Drejtësisë. Kërkesa kryesore kësaj radhe ishte lirimi i studentëve, rreth 30 vetë, të burgosur pas protestave të së dielës.

Kandidati i opozitës për kryetar të Bashkisë së Beogradit, Vladimir Obradoviç deklaroi se të rinjtë serbë po arrestohen dhe torturohen.

Pas protestave të dhunshme ku pati me dhjetëra të arrestuar presidenti Aleksander Vuçiç u shpreh se shteti do të reagojë. Sipas tij qyteti i Beogradit po shkatërrohet për shkak të “qëllimeve të pista politike” duke nenvizuar edhe njëherë faktin për ndërhyrje të huaj.

Që prej zgjedhjeve të 17 dhjtorit opozita serbe del çdo natë në rrugë për të protestuar kundër rezultatit të zgjedhjeve, të cilat i cilësojnë të manipuluara nga partia në pushtet.

Protestuesit kërkojnë anulimin e zgjedhjeve parlamentare dhe lokale, për të cilat vëzhguesit ndërkombëtarë raportuan se ishin te karakterizuara nga manipulimet.

LEXONI GJITHASHTU:

• “Priten protesta masive në Beograd”, gazetari serb: Skenari që do të përdorë qeveria
• Protestat në Serbi, demonstruesit përpiqen të sulmojnë Bashkinë e Beogradit