Pogradec, automjeti me targa greke përplas të moshuarin me biçikletë

Një aksident me pasojë plagosjen e një personi ka ndodhur në hyrje të qytetit të Pogradecit të dielën.

Aksidenti ndodhur pranë gjimnazit ‘Gjergj Pekmezi’, ku një mjet me targa greke ka përplasur një të moshuar që lëvizte me biçikletë duke e plagosur atë.

I moshuari që mësohet të jetë rreth të 70-ave ka qenë duke transportuar qumësht kur është përplasur nga automjeti. Ai është dërguar me urgjencë në spitalin e Pogradecit ku po merr ndihmën mjekësore.

Në vendngjarje mbërriti policia e cila po kryen hetimet për zbardhjen e rrethanave të aksidentit.

Mësohet se i plagosur ka qenë duke lëvizur në anë të rrugës në kohën kur është goditur nga mjeti me targa greke.

LEXONI GJITHASHTU:

• Shkaktoi aksident nën efektin e alkolit, AMP arreston efektivin në Këlcyrë
• Dy aksidente njëri pas tjetrit në autostradën Durrës-Tiranë, plagosen 2 persona