Pogradec|Djali ushtron dhunë mbi babain, ky i fundit e plagos me çifte

Një plagosje me armë zjarri brenda një familje ka ndodhur në fshatin Stropckë, në Pogradec.

Burime të sigurta për Euronews Albania thanë se mes babait, Agim Shkullaku, rreth 80 vjeç dhe djalit, Përparim Shkullaku, rreth të 50-e ka patur debate të forta për motive ende të pasqaruara.

Gjatë debatit mësohet se djali ka ushtruar dhunë ndaj babait e ne kushte te tilla, ky i fundit ka marrë çiften duke e qëlluar e duke e lënë të plagosur rëndë.

Mësohet se arma e përdorur është e llojit “çifte”.

Personi i plagosur është duke u transportuar drejt Spitalit të Pogradecit.

Në vendin e ngjarjes kanë mbërritur forcat e policisë, që po punojnë për zbardhjen e ngjarjes dhe kapjen e autorit.

Vijon…