Pogradec/ Shpërthen bombola e gazit në një banesë, shpëtojnë dy të moshuarit

Mëngjesin e ditës së sotme në katin e pestë të një pallati në Pogradec ka shpërthyer një bombol gazi.

Konkretisht ngjarja ka ndodhur në lagjen nr.5 ku fatmirësisht nuk ka të plagosur.

Në momentin e shpërthimit në banesë kanë qenë dy të moshuar të cilët sipas tyre kanë qenë duke konsumuar kafen e mëngjesit teksa bombola ka rrjedhur gaz e më pas ka shpërthyer.

Për pasojë shpërthimi ka shkaktuar dëme të shumta materiale ku dritarja e banesës nga kati i pestë ka rënë poshtë në tokë duke rrezikuar jetë njerëzish.

Kjo rrugë është një nga rrugët më  të populluara dhe me numrin më të madh të qytetarëve gjatë orëve të mëngjesit. Policia dhe zjarrfikësit në vendngjarje për hetimet përkatëse.

LEXONI GJITHASHTU: 

• Tradita e Pashkëve, çfarë duhet të gatuani
• Popullsia e Japonisë ka shënuar rënie rekord në vitin 2022