Pogradeci krizë në tregun e gështenjave, mungon prodhimi

Tregu i gështenjave në Pogradec po kalon një situatë të pazakontë këtë vit. Në fshatin Gështenjas, i njohur tradicionalisht për prodhimin e bollshëm të këtij fruti, gështenjat pothuajse mungojnë.

Banorët thonë se shkak është bërë thatësira e gjatë, por edhe mungesa e kujdesit ndaj pyllit të gështenjave. Nëse vitet e kaluara banorët ankoheshin për çmimin e ulët të gështenjave, këtë sezon ata nuk kanë asgjë për të shitur.

Ndërsa shumë familje që prej vitesh mbështeteshin ekonomikisht te ky produkt, po përballen me vështirësi. Kryeplaku i fshatit, Seladin Çapo, thotë se përveç kushteve atmosferike, edhe mungesa e pastrimit të zonës ka ndikuar në rënien e prodhimit.

Fshati Gështenjas e ka marrë emrin pikërisht nga ky frut, dikur simbol i zonës për cilësinë dhe shijen e veçantë. Por sot, kjo traditë po rrezikohet nga mungesa e kujdesit dhe prerjet e paligjshme, që po zhdukin një pasuri të çmuar të Pogradecit.

LEXONI GJITHASHTU:

• Zhduket pa gjurmë 15-vjeçari në Pogradec, familja prej 3 ditësh pa asnjë lajm
• Kriza e tregut të rrushit në Pogradec, fermerët e fshatit Leshnicë në hall