Policët shqiptarë vendosen në Angli, plani për dëbimin e emigrantëve të paligjshëm

Oficerët e policisë shqiptare do të vendosen në Dover të Anglisë për të ndihmuar në identifikimin dhe dëbimin e emigrantëve të paligjshëm brenda disa ditësh, shkruan Telegraph.

Sekretarja e Brendshme, Priti Patel ka rënë dakord për një plan veprimi me homologun e saj shqiptar për të përshpejtuar largimet, pasi inteligjenca sugjeron se shqiptarët tani përbëjnë midis 40 dhe 60 për qind të emigrantëve që kalojnë ‘Kanalin Anglez’ me varka të vogla.

Oficerët e lartë të policisë nga shteti ballkanik pritet të vendosen në Dover dhe portet e tjera për të ndihmuar në identifikimin e shqiptarëve, për të hetuar prejardhjen e tyre duke përfshirë lidhjet kriminale dhe për të ndihmuar Forcat Kufitare të Mbretërisë së Bashkuar.

Zonja Patel zhvilloi bisedime me Bledi Çuçin, ministrin e Brendshëm shqiptar, të martën për të gjetur se si mund të përshpejtonin deportimin e emigrantëve të paligjshëm shqiptarë sipas një marrëveshjeje kthimi që ajo nënshkroi me shtetin ballkanik vitin e kaluar.

Pretendohet se 6,000 nga 23,000 emigrantë që kanë arritur në Mbretërinë e Bashkuar janë nga Shqipëria, edhe pse vendi ynë është aleate e NATO-s që aspiron të anëtarësohet në Bashkimin Evropian dhe nuk ka parë asnjë konflikt për më shumë se 25 vjet.

LEXONI GJITHASHTU:

• Sekretarja britanike: Bandat e huaja rrezik për vendin, kryesisht shqiptarët
• Hasi, vendi me numrin më të lartë të emigrantëve në Mbretërinë e Bashkuar