Policia aksion kundër lojërave të fatit në Berat, 1 i arrestuar, 3 nën hetim

Një person është arrestuar dhe të tre janë proceduar në gjendje të lirë pasi ushtronin aktivitetin e paligjshëm të lojërave të fati.

Policia bën me dije se në pranga ka rënë A. B., 40 vjeç, banues në Berat, për veprën penale “Organizimi ose ushtrimi i veprimtarive të lojërave të fatit në kundërshtim me ligjin”;

Gjatë kontrollit të ushtruar nga policia në ambientet e lokalit të cilin e administronte shtetasi A. B., janë gjetur 1 tavolinë pokeri, një valixhe me çipsa që përdoren për lojëra fati, letra bixhozi dhe dy tableta për lojëra fati, të cilat u sekuestruan në cilësinë e provës materiale.

Gjithashtu u referuan materialet në prokurori dhe nisi procedimi në gjendje të lirë për shtetasit A. H. dhe F. T., pasi u kapën në flagrancë duke luajtur lojëra fati, në ambientet e lokalit.

Po ashtu ka nisur procedimi penal në gjendje të lirë për shtetasin L. K., 51 vjeç, pasi gjatë kontrollit në lokalin e tij, u gjet dhe u sekuestrua një pajisje kompjuterike që shërbente për të luajtur lojëra fati të paligjshme.

LEXONI GJITHASHTU: 

• Mbështeti protestat kundër regjimit, në pranga aktorja iraniane
• Kamioni përplaset me skuterin, vdesin dy 18-vjeçarë
• Rrëshqitjeje masive dheu në një kamping pushimi, 23 të vdekur