Policia e Kosovës: Rreth 1,500 pjesëmarrës në protestën në veri

Policia e Kosovës ka bërë të ditur se protesta e sotme në veri ka përfunduar e qetë, pa ndonjë incident të raportuar. Nga vlerësimet në terren, sipas Policisë, në protestë kanë qenë rreth 1,500 pjesëmarrës.

Policia ka eleminuar spekulimet për pengimin e autobusëve në Shtërpcë, që kanë pasur për qëllim mbërritjen në protestë.

KosovaPress ka raportuar se në protestë është thënë mes tjerash se shqiptarët dhe serbët kanë jetuar së bashku ndër vite, ndaj nuk është ndonjë problem të vazhdohet kjo bashkëjetesë edhe në të ardhmen.

Por, problemi qëndron mes serbëve dhe qeverisë së Kosovës, përkatësisht kryeministrit Albin Kurti, për të cilin është thënë se “dëshiron t’i zhdukë serbët nga Kosova”.

LEXONI GJITHASHTU:

• Tentoi të korruptonte punonjësin e policisë me 20 euro, nën hetim 46-vjeçari
• Policia e Kosovës po heton rrëmbimin e serbëve në Veri