Policia e Pakistanit akuzon ish-kryeministrin për terrorizëm

Policia e Pakistanit ka akuzuar ish-kryeministrin e vendit, Imran Khan, sipas ligjeve kundër terrorizmit.

Hetimi i tyre vjen pasi ai akuzoi policinë dhe drejtësinë për ndalimin dhe torturimin e ndihmësit të tij të ngushtë.

Tensionet janë të larta në vend, teksa mbështetësit e ish-liderit të mbledhur jashtë shtëpisë së tij janë zotuar se do të ketë trazira nëse ai arrestohet.

Që kur u rrëzua nga pushteti në prill, Khan ka qenë një kritik i zëshëm i qeverisë dhe ushtrisë së vendit.

Policia njoftoi akuzat pasi politikani akuzoi autoritetet se kishin torturuar ndihmësin e tij të ngushtë, i cili është vetë i arrestuar nën akuzat për kryengritje.

Në një fjalim publik të shtunën, Khan dënoi shefin e policisë së Islamabadit dhe një gjyqtare femër për ndalimin dhe keqtrajtimin e dyshuar të kolegut të tij në parti.

“Duhet të përgatiteni gjithashtu pasi ne do të marrim masa kundër jush”, tha ai në fjalimin, duke iu referuar drejtpërdrejt dyshes.

LEXONI GJITHASHTU:

• Irani hedh poshtë akuzat për sulm ndaj Salman Rushdie 
• Programi bërthamor iranian, Teherani i kthen përgjigje BE-së