Policia hyn në ambientet e parlamentit, nisin hetimet për kaosin dhe tymueset

Efektivë të policisë janë filmuar brenda ambienteve të parlamentit në përfundim të seancës plenare.

Gazetarja Eksiola Shehu bëri me dije për Euronews Albania se hetuesit kanë hyrë në Kuvend për të bërë vlerësime në lidhje me përdorimin e mjeteve tymuese nga deputeti demokrat Ervin Salianji.

Sipas gazetares hetimi po kryhet nga policia e Tiranës, ku personalisht drejtori Tonin Vocaj ndodhet brenda ambienteve të parlamentit, ku ndodhi situata kaotike.

“Ligjvënësit janë larguar, edhe socialistët nuk kanë zgjedhur të kenë një prononcim për media në lidhje me aksionin e opozitës sot. Është vënë re një prezencë e policisë brenda ambienteve të parlamentit. Siç e shihni dhe nga pamjet e drejtpërdrejta, janë oficerët e policisë që do të vlerësojnë skenën e zotit Salianji, i cili përdori tymuese gjatë seancës plenare.

Janë të veshur civilë dhe kanë zgjedhur të hyjnë nga hyrja pas, ku hyn zonja Nikolla apo zoti Rama. Vëndin e kanë lënë ligjvënësit por e ka marrë policia e Tiranës me drejtorin Tonin Vocaj, i cili po është brenda ambienteve të parlamentit”, tha Shehu.

LEXONI GJITHASHTU:

• Mbyllet seanca mes tymit e karrigeve të përmbysura, mazhoranca miraton projektligjet
• “O Xhemal, na vrave, mos qëllo”- Pamje nga përplasje fizike në parlament
• Kaos në Kuvend, deputetët demokratë përmbysin karriget. Garda rrethon godinën