Policia italiane arreston shqiptarin për trafik droge

Policia italiane ka arrestuar një shqiptar, i dyshuar për trafikim të lëndëve narkotike, konkretisht kokainë. Sipas mediave italiane, ai u kap në flagrancë teksa po shiste doza kokaine në parkingun e një supermarketi.

Gjatë kontrollit fizik, policia i gjeti 25-vjeçarit shqiptar shtatë doza kokaine të paketuara dhe të gatshme për shitje, si dhe një telefon celular të cilin kishte tentuar ta fshehë. Lënda narkotike dhe telefoni u sekuestruan si prova materiale.

I riu rezultoi të ishte pa leje qëndrimi në Itali, i papunë dhe në momentin e arrestimit po drejtonte një automjet të regjistruar në emër të një personi me precedentë penalë për vepra të ngjashme.

Ai u ndalua nga autoritetet italiane, ndërsa Prokuroria vendosi dëbimin e tij drejt Shqipërisë brenda shtatë ditëve.