Policia Kufitare Vlorë e Guardia di Finanza shpëtojnë 2 shtetas të bllokuar në det

Policia Kufitare e Vlorës, në bashkëpunim me efektivët e Guardia di Finanza, ka ndërhyrë me sukses për t’u ardhur në ndihmë dy shtetasve që kishin mbetur në det gjatë natës, si pasojë e një defekti në mjetin e tyre lundrues.

Ngjarja ndodhi brenda Gjirit të Vlorës, ku pas marrjes së njoftimit, shërbimet e Policisë Kufitare të SPK Triport, në koordinim me forcat italiane të Guardia di Finanza, organizuan një operacion kërkimi dhe ndihme. Skafi u lokalizua në zonën e “Plazhit të Vjetër”, ku pas ndërhyrjes u bë i mundur riparimi i defektit dhe shoqërimi i mjetit në mënyrë të sigurt drejt stacionit bregdetar.

Nga verifikimet e kryera, rezultoi se drejtuesi i mjetit nuk kishte me vete dokumentacionin përkatës për lundrim. Për këtë arsye, ndaj tij u vendos një masë administrative prej 10 000 lekësh, në zbatim të legjislacionit në fuqi.

LEXONI GJITHASHTU:

• Vendosi ushqimin me helm për dhelprat por e konsumuan tre qen, procedohet 62-vjeçari
• Rama: Banesat e djegura do të bëhen të reja, humbjet e bagëtive do të dëmshpërblehen