Policia peng i drejtësisë së korruptuar, Rama: Ata që ‘zbardhën’ policin e Himarës

Kryeministri Edi Rama premtoi një fazë të re në policinë e shtetit me ‘drurë të shtrembër që siç tha do priten shumë shpejt’.

Në prezantimin e drejtuesve të rinj të policisë, kryeministri ritheksoi faktin se policia vazhdon të vuajë kusuret e drejtësisë së korruptuar, që edhe pse po pastrohet në nivelet e poshtme vijon të jetë e kalbur.

Ai hodhi akuza edhe për rikthimin në detyrë të policit Arjan Tase që vrau me skaf 7-vjeçaren në Himarë.

“Ka raste të dhimbshme gjithë këto vite ku policia ka harxhuar kohë, energji, ka rrezikuar edhe jetën për t’u hedhur hekurat atyre që gjykata i ka nxjerrë në liri, për të rikthyer të njëjtat krime identike. Është mirë ta dinë të gjithë se edhe ai i paudhi i Himarës nuk duhet të ishte në Policinë e Shtetit jo për atë që bëri por sepse AMP e pati çuar në prokurori për t’u ndjekur penalisht në shkelje të ligjit, Gjykata e rikthen në detyrë, dhe një prokuror që mori atë që meritonte u shkarkua nga vettingu, ia mbylli përfundimisht çështjen, dhe e pafajësoi duke e rifutur në trupën policore, që nuk ka se çfarë bën tjetër veçse të hapë derën kur tjetri del si dhunues i ligjit dhe rikthehet si i pastër dhe i pafajshëm nga njerëzit e ligjit.

LEXONI GJITHASHTU:

• Rama për hetimin e Martinajt: Po dëgjojmë legjenda me luanë, jo u vra, jo s’u vra
• Rama: 2022, viti me numrin më të ulët të vrasjeve në 30 vjet