Policia publikon foton e re të autorit që plagosi efektivin e Shqiponjave

Policia ka publikuar foton e Klerent Bozhanaj, 42 vjeçarit që plagosi punonjësin e Policisë, inspektor Edlir Alleshi këtë të mërkurë.

Policia më parë në një njoftim për mediat bëri me dije se ofron  20000 euro shpërblim për këdo që jep informacion për Bozhanaj.

Ndërkohë Kreu i policisë së Tiranës, Tonin Vocaj në një prononcim për gazetarët tha se Klerent Bozhanaj, 42-vjeç është i armatosur dhe ka shenja të theksuara depresioni.

Sipas informacioneve të Euronews Albania,  se autori është me precedentë të mëparshëm penalë për lëndë narkotike, ndërkohë njihet dhe si përdorues i tyre.

Bëhet e ditur se Bozhanaj ka qenë emigrant në Itali dhe është kthyer në muajin gusht në Shqipëri.

Ngjarja ndodhi në “Kinostudio”, në rrugën “Hysen Xhura”, ku gjatë ndjekjes, Bozhanaj i cili ishte i armatosur ka hapur zjarr në drejtim të Forcave “Shqiponja”, dhe si pasojë mbeti i plagosur me një plumb në bark  efektivi i “Shqiponjave”.

Ai u dërgua menjëherë në spital dhe ndodhet jashtë rrezikut për jetën.

LEXONI GJITHASHTU: 

• Policia: 20 mijë euro për këdo që jep informacion për autorin që plagosi efektivin
• FOTO/ Ky është 42-vjeçari që plagosi me armë zjarri efektivin e “Shqiponjave”