FOTO/ Ky është 42-vjeçari që plagosi me armë zjarri efektivin e “Shqiponjave”

Klerent Bozhanaj, 40 vjeç është autori që plagosi me armë zjarri efektivin e shqiponjave Edlir Alleshi, këtë të mërkurë.

Burime për Euronews Albania, bëjnë me dije se autori është me precedentë të mëparshëm penalë për lëndë narkotike.

Mësohet se ai njihet dhe si përdorues i drogës. Bëhet e ditur se autori ka qenë emigrant në Itali dhe është kthyer në muajin gusht në Shqipëri.

Ngjarja ndodhi në “Kinostudio”, në rrugën “Hysen Xhura”, ku gjatë ndjekjes,  Bozhanaj i cili ishte i armatosur ka hapur zjarr në drejtim të Forcave “Shqiponja”, dhe si pasojë mbeti i plagosur me një plumb në bark  efektivi i “Shqiponjave”.

Burime bëjnë me dije se efektivi ka marrë një plumb në bark.

Në ndjekje të personit të armatosur janë venë shërbimet e tjera të Forcave “Shqiponja”, Patrullat e Përgjithshme, dhe Njësitë Speciale Operacionale, janë bllokuar hyrje-daljet e të gjitha rrugëve.

LEXONI GJITHASHTU: 

• Analisti serb mbron Kurtin: Lajçaku ka bërë shumë gabime
• UEFA dënon incidentet në ndeshjen Shqipëri-Poloni, FSHF apel tifozëve