Policia sekuestron 3700 euro, 250 fishekë dhe kokainë! Arrestohet 48-vjeçari

Policia Kufitare ka vijuar kontrollet intensive për parandalimin e veprimtarive kriminale në kufi, duke goditur dy raste të paligjshmërisë.

Sipas policisë, një 48-vjeçar nga Berati u arrestua në flagrancë pasi tentoi të hynte në Shqipëri me lëndë narkotike kokainë, 3700 euro dhe dy celularë të fshehur në automjet.

Një 49-vjeçar nga Patosi u procedua penalisht për tentativë të futjes në vend të 250 fishekëve të gjuetisë, pa leje dhe pa deklarim.

“Në vijim të punës për goditjen e krimeve ndërkufitare, bazuar në analizën e riskut, kemi kaluar për kontroll në vijë të dytë automjetet me drejtues shtetasit E. N. dhe I. Gj.”-thuhet njoftimi.

LEXONI GJITHASHTU:

• Svastika të vizatuar me gjak njeriu në 50 makina, policia gjermane nis hetimet
• Policia vijon aksionin për lirimin e korsisë së autobusëve