“Policia të dorëzohet e gjitha”, Manjani shigjeton Ardi Veliun: Pse nuk arrestohet?

Ish-ministri i drejtësisë Ylli Manjani, tha se për vdekjen e 32-vjeçarit Lear Kurti është e akuzuar policia automatikisht, duke thënë se kjo e fundit duhet të dorëzohet e gjitha.

I ftuar në emisionin “Now” në Euronews Albania, Manjani ka ‘shigjetuar’ Ardi Veliun duke thënë se ky i fundit duhet të arrestohet pasi jep versione se si vriten njerëzit.

Sipas tij, Veliu nuk duhet të ishte as zyrtar.

“Klodian Rasha u godit nga policia dhe kjo është vrasje me dashje. Kam insistuar që atëherë që ka qenë vrasje me dashje e pastër. Këtu ka humbur jetën një njeri në duart e policisë dhe policia është e akuzuar automatikisht.

Policia të qepë gojën, të dorëzohet e gjitha. Zoti i kësaj çështje është vetëm prokurori, të gjithë të tjetër të qepin gojën, përfshirë dhe Ardi Veliun. Të gjithë lidhen më këta. Këto janë maskallëqe, ky nuk duhet të ishte zyrtar e jo të ishte atje ku është sot. Pse nuk arrestohet ky njeri që jep versione se si vriten njerëzit. Nëse duan transparencë, duhet të ndërhyjë prokuroria”- u shpreh Manjani.

LEXONI GJITHASHTU: 

• Vdekja e mistershme e të riut, Andi Bushati: Krim policor që po fshihet?
• Denoncimi i Agron Shehajt për mbylljen e biznesit, reagon Ministria e Brendshme
• 3 viktima, ngjarjet e bujshme ku u përfshinë efektivë të Policisë së Shtetit