“Policia zbatoi ligjin”, Balla reagon pas ekzekutimit të 62-vjeçarit nga RENEA

Ministri i Brendshëm, Taulant Balla ka reaguar pas ngjarjes së rëndë të ndodhur në Maliq, ku 62-vjeçari Ramiz Muçollari plagosi bashkëshorten dhe të birin para se të ekzekutohej nga RENEA.

Balla shpreh mirënjohjen ndaj forcave RENEA dhe atyre të policisë së Korçës, që sipas tij zbatuan vetëm ligjin, në kushtet e kërcënimit me jetë.

“Mirënjohje forcave RENEA dhe atyre të Drejtorisë Vendore të Policisë Korçë për kryerjen e detyrës gjatë gjithë natës së mbrëmshme deri sot në mëngjes në Maliq edhe në kushtet e kërcënimit për jetën, sepse thirrjeve të Policisë së Shtetit, shtetasi që kërkohej të ndalohej, ju kundërvu me përdorimin e armës ndaj policisë. Në këto rrethana përcaktimet ligjore janë të qarta dhe Policia e Shtetit zbatoi Ligjin. Dua ta siguroj publikun se çrrënjosja e dhunës ndaj grave dhe dhunës në familje është një detyrë kryesore. Çdo grua, çdo vajzë duhet të ketë besimin se telefonata e saj tek Policia është vendimi i duhur që sjell çlirimin nga makthi dhe fitoren e ligjit mbi padrejtësinë dhe dhunën”, shprehet Balla.

LEXONI GJITHASHTU:

• E rëndë në Maliq, burri kërkon të vrasë gruan dhe djalin, qëllon policinë
• Plagosi gruan e djalin dhe s’iu dorëzua policisë, RENEA ekzekuton 62-vjeçarin