Banorët e Mbrojës në Korçë, kanë tashmë një qendër shëndetësore me standarde në afërsi të vendbanimit të tyre.

Mjediset e reja u inspektuan nga ministria e shëndetësisë Ogerta Manastirliu e cila tha se qarku i Korçës është në prioritet e qeverisë për investimet në sektorin e Shëndetësisë.

“Programi ynë i rehabilitimit të qendrave shëndetësore është një program i cili nuk ka përfunduar me 300 qendrat, është një program i cili synon të finalizojë përmirësimin e infrastrukturës së të gjithë rrjetit kapilar që ne kemi, të qendrave shëndetësore e ambulancave në të gjithë vendin, në qytet dhe në fshat”- tha Manastirliu.

Ashtu si në çdo poliklinikë të vendit edhe në Mbrojë ka nisur aplikimi i vaksinës kundër kancerit në qafën e mitrës.

“Ne ia kemi dalë që në fazën e parë të këtij programi, mbi 2400 të vaksinohen, program që tashmë është përfshirë na kalendarin tonë kombëtar të vaksinimit”- theksoi ajo.

Me buxhetin e vitit 2023 planifikohet të ndërhyhet në 60 qendra shëndetësore.

LEXONI GJITHASHTU: 

• Nëna e shpalli të vdekur, fëmija u ngjall, Dom Pashkja rrëfen mrekullinë
• Qindra protestues në Izrael kundër reformës gjyqësore të mbështetur nga Netanyahu