Politikanja serbe ndalohet në Merdare: Policia e Serbisë s’më lejon të kaloj kufirin

Kryetarja e Lëvizjes Evropiane të Serbëve nga Kosova, Rada Trajkoviç, ka thënë se policia serbe nuk e ka lejuar që të futet në Kosovë, në pikën kufitare në Merdare.

Lajmin e ka bërë me dije në një postim në rrjetin social Twitter, duke theksuar se autoritetet nuk i kanë dhënë asnjë shpjegim për ndalimin.

Ajo ka thënë se në Kosovë po vinte që të takohej me përfaqësuesit e Ambasadës së SHBA-ve dhe me zyrën greke.

“Për të sqaruar: policia serbe nuk më lejon të kaloj kufirin, sapo më ndaluan në vendkalimin Merdare. Jam e përjashtuar nga trafiku dhe pa shpjegim nuk më lejohet të hyj në Kosovë. Jam rrugës për t’u takuar me përfaqësuesit e zyrës greke në KS dhe ambasadën amerikane. Unë kërkoj lirinë e lëvizjes”, ka shkruar ajo në Twitter.

LEXONI GJITHASHTU: 

• Asambleja Parlamentare e NATO-s: Të hiqen menjëherë barrikadat në veri të Kosovës
• UEFA fiton gjyqin kundër klubeve që kërkojnë të nisin Superligën
• Osmani: Veriu i Kosovës sfidë për shkak të pretendimeve territoriale të Serbisë