Politologu Nurellari: Strategjia elektorale e PS-së, mobilizimi i socialistëve

Politologu, Adri Nurellari tha në “Barometri Politik” se strategjia elektorale e Partisë Socialiste lidhet me mobilizimin e simpatizantëve të partisë.

“Objektivi kryesor (për PS-në) nuk është të bindi asnjëanësit ose të lëkundurit por të mobilizojë të vetët që të dalin në votim. Pra, sfida dhe pikëpyetja e madhe në zgjedhje është a do t’ia dalë Partia Socialiste të nxjerrë socialistët të votojnë? Kjo është dhe arsyeja pse provokon me fytyra kundërshtare që janë mobilizuese sepse do të marrë një polarizim të elektoratit,” – u shpreh Nurellari.

Sipas tij, sigurimi i pjesëmarrjes së votuesve dhe mundësimi që votuesit që tashmë Partia Socialiste “ka në xhep” të dalin të votojnë, janë dy nga sfidat më të rëndësishme për PS-në.

A janë socialistët mjaftueshëm të pakënaqur sa të refuzojnë të dalin të votojnë? – kjo ishte pyetja që ngriti politologu teksa theksoi edhe njëherë se kjo do të jetë ajo pjesë e njerëzve që do të vendosin në këto zgjedhje dhe jo të pavendosurit.

Në fund të fjalës së tij Adri Nurellari u shpreh se në këtë fushatë elektorale nuk është parë asnjë përpjekje nga Edi Rama për të bindur të palëkundurit por siç u shpreh dhe politologu, kryeministri “po kullot në livadhin e vet sa të mundet”.

LEXONI GJITHASHTU: 

• Kë duan për kryeministër? Rama dhe Basha në garë të ngushtë për Elbasanin, Fieri preferon kryesocialistin
• Iris Luarasi: Fieri, i vetmi qark që ka mbështetje të madhe për Ramën
• Jonila Godole: Shifrat e të pavendosurve japin idenë për rritjen e PD-së
• Mazniku mbi sondazhin në Elbasan: Rama me 46.5% dhe Basha me 40% kanë kapur tavanin