Porositi Eljo Bitrin që t’i dhunonte gruan, GJKKO shton dënimin për avokat Bengasin

Apeli i GJKKO, prish vendimin e shkalles së parë duke shtuar dënimin për avokatin Alban Bengasi. Krahas dhunës në familje Bengasi shpallet fajtor dhe për grup të strukturuar kriminal dhe pritet të rikthehet në qeli.

Apeli e dënoi me 4.8 vite me gjykim të shkurtuar ndërsa në shkallën e parë avokati ishte dënuar me 1.4 vite heqje lirie. Emri i Bengasit doli pas dëshmisë së bashkëpunëtorit të drejtësisë Nuredin Dumani që tregoi se u pagua 120 mijë euro për të dhunuar ish-bashkëshorten e Bengasit.

Nga hetimet ka rezultuar se Bengasi shfrytëzoi njohje me shtetasin Festim Qoli edhe ky nën hetim si pjesë e grupit kriminal, që më pas kontaktoi me Nuredin Dumanin për të realizuar planin.

Ky i fundit pasi ka mbajtur nën vëzhgim lëvizjet e ish-bashkëshortes së Bengasit ka informuar për vendodhjen e kësaj të fundit Elio Bitrin. Pas ditësh mbikëqyrje, Bitri e sulmoi pranë pallatit duke e goditur disa herë me grushta në fytyre.

LEXONI GJITHASHTU:

• Australia planifikon ndalimin e mediave sociale për moshat nën 16 vjeç
• Dhunoi bashkëshorten dhe ngacmoi seksualisht vajzën e saj të mitur, arrestohet