Porositi vrasjen e të fortëve në Vlorë, GJKKO jep masën e sigurisë për Leonard Luzin

GJKKO ka caktuar msën e sigurisë “Arrest me burg” për Leonard Luzin, personin i cili ditën e shtunë u ekstradua nga Spanja nën masa të rrepta sigurie, në kuadër të operacionit të koduar “Rekrutuesi”.

47-vjeçari, i njohur me pseudonimin “Nard Çami” apo “Daku”, u arrestua në Spanjë pasi gjykata e posaçme caktoi masën e sigurisë “arrest me burg” pas kërkesës së SPAK, duke e akuzuar për organizimin dhe porositjen e vrasjeve të dy shtetasve të njohur, Inez Hajrulla, i njohur si “Sakati”, dhe Ervis Matodashaj, i njohur si “Qorri”.

Luzi akuzohet për “Sigurimin e kushteve dhe mjeteve materiale për të kryer vrasje” dhe “Mbajtjen pa leje dhe prodhimin e armëve, armëve shpërthyese dhe municionit”, të kryera në bashkëpunim në formën e grupit të strukturuar kriminal.

Për realizimin e vrasjeve, ishte ofruar një shumë prej 500 mijë eurosh, ndërkohë që Amarildo Nikolli, i cili kishte marrë porosinë, u arrestua duke mbajtur një pistoletë me silenciator dhe fishek në fole, gati për qitje. Si pjesë e grupit të organizuar, SPAK ka akuzuar edhe Muharrem Koroveshin dhe Erio Zejnon. Megjithatë, nga deklaratat e Amarildo Nikollit, SPAK dyshon se janë të përfshirë edhe persona të tjerë, të cilët strehohen në Dubai.

LEXONI GJITHASHTU:

• SPAK zbardh atentatin ndaj të “fortit” të Vlorës: Hakmarrje për Erigert Zejnon
• Tentoi të vriste Inez Hajrulla në Vlorë, GJKKO “arrest me burg” për Koroveshin