Pr.ligji për bastet online, ish-ministri: Pse duhet të ishte bërë një orë e më parë

Mazhoranca pritej të votonte në seancën e sotme ligji i ri i basteve online gjë që nuk ndodhi dhe nuk pati asnjë shpjegim për këtë tërheqje të qeverisë.

Juristi Ylli Manjani tha në emisionin Now në  Euronews Albania se licencimi i basteve on line duhet të ishte bëre me kohë, pasi është një  biznes që ekziston në të zezë dhe nga i cili qeveria duhet të përfitojë përmes taksave.

“Licencimi i basteve online duhet të ishte bërë, është shumë vonë, është një biznes që ekziston, nuk ka qeveri që e mbyll këtë. Me të gjitha të dhënat financiare janë 100 mln euro xhiro vjetore në këtë biznes dhe çdo qeveri do kishte interes t’i licenconte që të mblidhte taksat. Nëse nuk e licencon do nxitësh tregun e zi ose lojëra online për shtete të tjera. Derisa ekziston mirë është të marrësh taksat, se nëse nuk i merr ti, do t’i marrë një shtet tjetër”, tha Manjani.

LEXONI GJITHASHTU:

• Ligji i ri për bastet online kalon të enjten në seancë plenare
• FSHF thirrje qeverisë: Po nxitoheni me bastet sportiv, ja propozimet tona