Preferenca për kryeministrin, Basha dhe PD performon më mirë në Durrës në krahasim me veten në nivel kombëtar

Sondazhi zgjedhor “Barometri Politik” i Euronews Albania dhe MRB zbuloi se në qarkun e Durrësit 45.6% shohin si më të përshtatshëm për kryeministër Edi Ramën, përkundrejt 38.3% që mbështesin kryeopozitarin Lulzim Basha.

Për kryeministrin aktual shifra është e njëjtë me atë të rangut kombëtar, ndërsa për Bashën mbështetja shfaqet më e lartë në qarkun e Durrësit se rangu kombëtar (32.2%).

Shifra e atyre që u përgjigjën që nuk preferonin asnjë prej tyre ishte 15%, shifër kjo më e ulët sesa rangu kombëtar (19.2%)

Pyetur lidhur me opinionin e tyre për tre liderët kryesorë të partive në zgjedhje, Rama, Basha, Kryemadhi dolën këto rezultate:

Mendim pozitiv

Edi Rama – 53.6%

Lulzim Basha – 46.3%

Monika Kryemadhi – 25.4%

Preferenca për kryeministër by Euronews Balkans

Pra, 53.6% e të anketuarve kanë një mendim pozitiv për kryeministrin Rama ndërsa 46.1% jo.

Lulzim Basha, sipas të dhënave, gëzon mendimin pozitiv të 46.3% të qytetarëve ndërkohë që 53.3% mendojnë negativisht.

25.4% e të pyeturve në Durrës kanë një mendim pozitv për kryetaren e LSI-së dhe 74.4% e tyre mendojnë të kundërtën.

Sipas sondazhin rezulton të jetë kryeministri Rama ai që ka pëlqyeshmërinë më të madhe nga qytetarët e Durrësit, ndërkohë që bie në sy diferenca e madhe e të anketuarve që kanë një mendim negativ për Kryemadhin me ata që mendojnë pozitivisht.

Metodologjia

Sondazhi u shtri në zonat urbane dhe rurale të qarkut të Durrësit ku u realizuan 660 intervista ballë për ballë gjatë periudhës 7-17 mars.