Prej 27 orësh në det duke kaluar Otranton, avokatja shqiptare shfaq problemet e para

Avokatja Eva Buzo, një 35-vjeçare shqiptare e cila jeton në Australi, është nisur për të thyer një rekord historik në not.

Që prej orës 7 të mëngjesit të së enjtes ajo është nisur nga Italia me not për të përshkuar kanalin e Otrantos dhe të mbërrijë më pas në Shqipëri.

Nga informacionet e fundit mësohet se Buzo ka shfaqur problemet e para gjatë notimit. Prej rreth 27 orësh tashmë në det ajo ka probleme në të folur për shkak të gjuhës së ënjtur. Kjo ka ndodhur prej kripës së tepërt që i ka prekur gojën.

Avokatja shoqërohet nga dy trajnerët e saj me kajak, si dhe nga një varkë e pajisur me asistencën logjistike.

Gjendja e saj është duke u monitoruar, ndërkohë 35-vjeçarja ndodhet disa milje larg Karaburunit në det të hapur.

Buzo është me profesion avokate në Australi dhe është e angazhuar dhe në shoqërinë civile në mbrojtje të të drejtave të njeriut. Ajo ka përvojë pune në Afrikën Lindore, Azinë Jugore dhe Australi.

LEXONI GJITHASHTU:

• Avokatja shqiptare tenton rekordin historik, niset me not nga Italia për në Shqipëri
• Zgjedhja e Avokatit të Popullit, Balla ftesë Bardhit të ulen në bisedime