Prej disa orësh në SPAK, ish-deputeti i LSI: S’ka arsye për të më hetuar

Ish-deputeti i LSI Ralf Gjoni është paraqitur mëngjesin e së hënës në SPAK.

Në një dalje për mediat ai ka refuzuar të përgjigjet se për çfarë është pyetur, ndërsa shtoi se nuk ka asnjë arsye që ai të hetohet.

Ai theksoi se u pyet në cilësinë e të angazhuarit në pozicione shtetërore, ndërsa nënvizoi se nuk ka qenë pjesë e dosjes së ish-presidentit Ilir Meta.

“Unë  kam qenë në disa pozicione shtetërore të jenë bashkëpunues dhe mbështetës të punës së SPAK. Prezenca ime këtu ka të bëjë pikërisht me mbështetjen që i duhet dhënë këtij institucioni për  të përmbushur shpresat e shqiptarëve.  Shqiptarët kanë shpresë te SPAK dhe SPAK duhet të punoj fort për të dhënë rezultatin.  U pyeta në cilësinë e të angazhuarit në pozicione shtetërore. Nuk ka arsye për të më hetuar mua. Nuk kam qenë pjesë e dosjes së ish-presidentit Meta sepse unë nuk kam qenë në kontakt me Metën gjatë presidencës”-tha ai.

LEXONI GJITHASHTU: 

• Britania deporton emigrantët e paligjshëm në Ruandë, avioni i parë niset këtë verë
• BE-NATO “ultimatum” Greqisë dhe Spanjës: Jepini sisteme të mbrojtjes ajrore Ukrainës