‘Premtimet për uljen e borxhit, taksave dhe rritjen e rrogave s’janë realiste’, thotë ish-zv. ministri në qeverinë Rama 2

Elton Haxhi, ish-zv. ministër në qeverinë Rama 2 i cilësoi jo realiste premtimet e kryeministrit për uljen e borxhit, të taksave dhe rritjen e rrogave.

“Të na japë elementin e ekuacionit që do ulë borxhin,” – komentoi Haxhi pasi Rama deklaroi një ulje drastike të borxhit publik gjatë seancës së parë plenare në Kuvendin e Shqipërisë ku prezantohet dhe plani qeverisës për mandatin e ri.

Sipas tij ulja e taksave dhe ulja e borxhit nuk përputhen me njëra tjetrën. Ka një element të tretë që do të bëjë të realizueshme këto dy premtime, që në këndvështrimin e ish-zv. ministrit nuk është realist.

Rama u zotua nga foltorja e Kuvendit se qeveria e tij në mandatin e tretë do të bëjë të mundur rritjen e pagës mesatare mujore bruto me 25% në mënyrë graduale deri në fund të mandatit dhe rritjen e pagave të administratës. Kjo sipas tij do të bëhet e mundur falë rritjes ekonomike që do të jetë mesatarisht 4.5 % në vit.

LEXONI GJITHASHTU: 

• Rama i drejtohet PD-së: Jemi gati për çdo lëshim që ju doni
• Rama: Nga qershori do të ndalohet me ligj përdorimi i qeseve plastike
• Kryeministri Rama: Hapja e negociatave s’është në dorën tonë