Premtimi i Këlliçit, Veliaj: Edhe ne kohën e Enverit s’kishte biletë falas

Kreu i Bashkisë, Erion Veliaj komentoi në “Now me Erla Mëhillin” premtimin e kandidatit Belind Këlliçi për transport falas.

Veliaj tha se një premtim të tillë edhe Enver Hoxha gjatë sistemit komunist nuk e bëri dot pasi është i parealizueshëm.

“Të gjithë janë njerëz normal kur janë jashtë kamerave. Problemi këtu është pranon të jesh vetvetja apo do të bëhesh gazi i botës me premtime që nuk i bëri as Enver Hoxha, se dhe në kohën e Enver Hoxhës paguhej biletë autobusi se ishte e parealizueshme. Edhe atëherë kur çdo gjë ishte falas në sistemin komunist,” – deklaroi ai.

“Të gjithë çuna të mirë janë, sidomos ai që është dhëndri jonë, patjetër që është çun i mirë,” – u shpreh Veliaj i kundërshtuar nga Mëhilli që komentin e tij e cilësoi si mendësi komuniste.

“Epo, Erla u shqetësove kur nuk e lavdërova, u shqetësove kur e lavdërova. Si e do? E do të ngrohtë apo e do të ftohtë? Mua kur më thonë ‘fiku’ unë jam super krenar sepse unë jam rritur me ato vështirësi dhe se kam fare problem,” – tha kryebashkiaku.

LEXONI GJITHASHTU:

• Pse paguan për incenerim? Veliaj: Ne e pastrojmë Tiranën më mirë dhe më lirë
• Veliaj: 100 mijë vetë të punësuar në industrinë e ndërtimit