“Pres të arrestohem të martën”, çudit Trump, fton qytetarët të protestojnë

Ish-presidenti amerikan, Donald Trump pret të arrestohet të martën, bazuar në një rast të trajtuar nga Zyra e Prokurorit në qarkun e Manhatanit. Ai e ka bërë këtë deklaratë në rrjetin e tij social, Truth Social, këtë të shtunë.

“Kandidati favorit i republikanëve dhe ish-presidenti i Shteteve të Bashkuara do të arrestohet të martën e javës së ardhshme. Protestoni, rikthejeni kombin tonë”, shkroi ai.

Hetimet në këtë gjykatë kanë për bazë një pagesë prej 130.000 dollarëve, e cila është kryer disa javë para zgjedhjeve presidenciale të vitit 2016, për të bllokuar Stormy Daniels, emri real i së cilës është Stephanie Clifford, që të tregojë publikisht për një aferë, që ka thënë se e ka pasur me Trumpin, vite më parë.

Prokurorët janë duke analizuar nëse do ta akuzojnë Trumpin për këtë rast. Nëse Prokurori i gjykatës së qarkut në Manhatan e padit Trumpin, atëherë 76-vjeçari do të bëhet ish-presidenti i parë amerikan që akuzohet për krime.

LEXONI GJITHASHTU:

• Të paktën 12 të vdekur nga tërmeti i fuqishëm në Ekuador
• “Ohri, marrëveshje pa marrëveshje”, Sali Berisha: Vuçiç nuk ka për të firmosur kurrë