Presidenca e Kosovës reagon për ndarjen nga jeta të babait të Hashim Thaçit

Presidenca e Kosovës ka reaguar në lidhje me ndarjen nga jeta të Haxhi Thaçit, babait të ish-presidentit dhe ish-kryeministrit të Kosovës, Hashim Thaçi.

Përmes një postimi në rrjetet sociale, Presidenca i ka shprehur ngushëllimet familjes Thaçi për humbjen e njeriut të tyre të dashur.

Njoftimi i plotë:

*”Presidentja Osmani ngushëllon ish-Presidentin Thaçi dhe familjen e tij për ndarjen nga jeta të Haxhi Thaçit.

Me pikëllim morëm lajmin për ndarjen nga jeta të z. Haxhi Thaçi, babait të ish-Presidentit dhe ish-Kryeministrit të Republikës së Kosovës, z. Hashim Thaçi.

Humbja e babait është një dhimbje e pamatshme, e cila lë një boshllëk të pazëvendësueshëm tek më të dashurit. Kontributi dhe dashuria e tij për atdheun shpresoj të shndërrohen në udhërrëfyes dhe kujtime krenarie për të gjithë ata që e njohën.

Në emrin tim dhe në emër të popullit të Kosovës, i shpreh ngushëllimet më të sinqerta ish-Presidentit Thaçi, gjithë familjes Thaçi, miqve dhe të gjithë të afërmve të z. Haxhi Thaçi.

LEXONI GJITHASHTU:

• Ndahet nga jeta babai i Hashim Thaçit
• Ndarja nga jeta e babait të Thaçit, reagon kryeministri Rama: Baba iku krenar Hashim