President Bajram Begaj kthen në Kuvend ligjin për “Inspektimin”

President Bajram Begaj ka kthyer për rishqyrtim në Kuvend ligjin “Për Inspektimin në Republikën e Shqipërisë”. Dekreti, i datës 10 tetor 2024, është dorëzuar tashmë në parlament dhe do nisë rrugën parlamentare, ku do të shqyrtohet fillimisht në komision dhe më pas në seancën plenare.

Në arsyetimin e tij, Presidenti thekson se ndryshimet në nenin 68 nuk janë ndjekur sipas procedurës së rregullt të përcaktuar nga Rregullorja e Kuvendit.

Ai vëren se për këto ndryshime nuk ka pasur një nismë formale legjislative, as regjistrim të projektligjeve në programin e punës të Kuvendit, as konsultime publike, apo një procedurë të veçantë shqyrtimi.

Gjithashtu, shton se nuk ka pasur as opinione nga ekzekutivi për secilin ligj, përfshirë analizën e kostove financiare, apo deklarata nga qeveria për mbulimin e këtyre kostove.

“Po ashtu, nuk janë përgatitur raporte të veçanta vlerësimi nga komisionet përkatëse parlamentare”, tuhet në arsyetimin e Presidentit.

Presidenti vlerëson se bashkimi mekanik i disa ligjeve të ndryshme në natyrë dhe objektiv dëmton procesin legjislativ dhe cilësinë e reformave.

LEXONI GJITHASHTU:

• Begaj i “ankohet” Erdogan për zyrën e vogël: Po i them Edit për një ndërtesë tjetër
• Erdogan takohet me Bajram Begajn, pritet me ceremoni shtetërore në Presidencë